انواع شباب مسخدمي الانترنت

النوع الاول

الي
يدوبك لسه متعلم يدخل نت
بيبقى العمر يتراوح من 22 الى ما فوق ...
وتلاقيه اول ما يدخل
هاي
ممكن نتعرف انا فلان ومن الحته الفلانيه
وتحسي
ان فيه حنفيه
معلومات اتفتحت
واي حاجة تقوليهاله يقولك يعني ايه
مش
فاهم وبعد
كل كلمة يقولك
اصل انا لسه جديد في النت
والنوعية دي
تنقسم لقسمين :
1- يا اما متحمس وحط ف دماغه موضوع النت وعايز يتعلم
2-
يا اما سمع من صحابه عن النت والبنات وجاي يجرب
حظه

النوع
الثانى
الي بيقعد على النت بس مش كتير
النوع ده كل كلامه
انا
مشغولياتي كتير ومبحبش النت والكلام ده
وبعد
ما يكلم شوية يقولك
ممكن
نكمل كلام في التليفون انا اصلي مبدخلش
النت كتير
ومليش خلق للكتابة
والحاجات دي
والنوعيه دي تنقسم الى قسمين:
1- يا اما يبقى لحوح
ويفضل يطلب نفس الطلب وصباح الملل
2- يا اما يبقى عنده عزة نفس وميلحش
بس هيتعصب وهيقولك اعمليلي
بلوك

النوع الثالث

الي قاعد
على النت ليل نهار
ده بقى شرحه يطول وينقسم لعدة
انواع
1- المقموص
ده
بقى قاعد وحاطط ايده على زرار الزعل
اي حاجة تقوليها تبقي
بتقصديه
او بتقللي من شانه
وبعد كام مرة كلام ممكن يقولك اديني
نمرة تليفونك
ولما
تعتذري هيقولك انا هحترم رغبتك وهيركبلك الوش الخشب
ومن وقت للتاني
هتاخدي البلوك ف وشك فنصيحه من اولها كده
اديله بلوك وديليت

2-
ابو دم خفيف
ده شلل مركز ومتعرفيش
مين الي خدعه وقاله ان دمه خفيف
وكل
كلامه قفشات وضحك
والمفروض انك تكوني مجامله
وتضحكي بس منصحكيش
تيجي
على
اعصابك

3- المودي
دي بقة شخصية بتتنوع كل
يوم
على حسب المود
وهتحسي انك بتكلمي واحد
عنده انفصام ف الشخصية
النهاردة
رزين وعاقل وبكرة لاسع وبعد
يومين رخم

وبعدها كيوت
وفريندلي
طبعا الحكايه مش ناقصة جنان كفايه الي
الواحد فيه

4-
اللزقه
والنوع ده عايز حزم ف التعامل معاه
لأن كل كلامه انتي فين ؟
بتتاخري
في الرد ليه؟
انتي بتكلمي حد ؟؟
ياعم وانت مالك بتتحشر
ليه
......ولو قلتيله ثواني هيقولك ليه رايحة فين؟ متتاخريش ...
ايه ده انتي
لسه مجيتيش ؟؟؟

5- الناصح
صباح الصداع
مع كل جمله هتقوليها
هتاخدي نصيحة وفيه عرض خاص
قولي
جملتين وخدي اربع نصايح
العرض
مستمر حتى نفاد الكمية

انا انصحك انك تخليه يحصل
اخواته
الي
فاتوا يعني بلوك وديليت

6- الحبيب
انا فيا جاذبية وكل البنات
بتعجب بيا ....... ايام ما كنت فى الكليه
كنت عامل ازمه والبنات بتتخانق
عليا......
المصيبة بقى ان اي
جمله
هتقوليها هيفهم ان انتي
معجبه
اصله مش بمزاجك هتحبيه يعني
هتحبيه

7- حريقة بنات
ده بقى لو
في منتدى او ميل جروب
تلاقيه مركز على كل البنات
ومبيعملش اي حاجة
تانية غير كده
الكوميدي بقى لما يتلخبط ويعتقد
ان
الأسم ده انثوي
ويندمج
وبعدين يطلع واحد
صاحبه

8- الكداب
من اول الأسم والسن
واي
معلومة خدتيها كدب في كدب ومتعرفيش ليه
ده
بقى
انصحيه وخليه
يغير اسمه على الماسنجر
ويخليه الكداب

9- العبيط
ده هتلاقيه
على طول حاطط صورته
وذنب عليكي تتفرجي ويشيل الصورة
> > دي
يحط
التانية وكل شوية يفتح الكاميرا مع نفسه

10- بابا اوبح
ده ممكن
يكون على النت من سنة 96
واتخرج واشتغل واتجوز وجاب
عيال
ولسه
قاعد يتعرف على بنات وكل ما يكلم واحدة يقنعها انه مش
متجوز
وبيدور
على عروسة وصباح السرحان
ولو جربتي كل يوم تدخليله
بايميل
غير
التاني هتسمعي قصة حياته
كل يوم مختلفة

النوع الاخير
وده احسن
ينفع تكلميه على النت
هو المحترم اللى عارف حدوده ومبيتدخلش
فى
اللى مالهوش فيه
وبيبقى دمه خفيف علشان ماتزهقيش منه
وبيحب يعمل
اصدقاء كتير على النت
وتلاقيه جد ومابيحبش الكدب
بس بيحب يهزر بس
بأدب
وتستريحيلو وانتى بتتكلمى معاه

كده خلصوا وماحدش يسألنى
انت
من انهى نوع فيهم
علشان انا مش عارف

[ندعوك للتسجيل في المنتدى أو التعريف بنفسك لمعاينة هذه الصورة]

جيفارااااااااااااااااااااا كده الناس حتعمل مظاهرات عليك

ههههههههههههههههههههههههه يخرب عقلك واد

بص يا صحبى فى اى حال من الاحوال

حبقى معاك بس لو فى قنصات هههههههههههههه اكيد حنجرى انا وانتا

[ندعوك للتسجيل في المنتدى أو التعريف بنفسك لمعاينة هذه الصورة]

بص بقى يا جيف انت لو دة صح
انا عيزاك تصنف نفسك انت مين فيهم وكل واحد بشجاعة يحدد هو مين فيهم
ولو مش حد منهم يكتب الا حسة عن شخصيتة على النت
وارجو الاهمية
من اعضاء المنتدى
للموضوع الشيق دة
تقبل مرورى

انا مقدرش اقيم نفسي انا مين فيهم الناس هيا الي تقيم الشخصيه مش انا واشكر مروركم الكريم لموضوعي وقيمو بقي ومستني ردكم هههههههههههههههههههههههه

» احجز الان كورس تسويق الكترونى بالقاهرة والمنصورة حضورا واون لاين عن بعد للدول العربية كورس تسويق الكترونى وعمل عن طريق الانترنت والعمل عن بعد والربح من المدونات والمواقع وعاوز تستفيد من وقتك على الانترنت وتزود دخلك عندك ظروف
» احجز فورأ كورس تسويق الكترونى بالقاهرة والمنصورة حضورا وان لاين عن بعد للدول العربية كورس تسويق الكترونى وعمل عن طريق الانترنت والعمل عن بعد والربح من المدونات والمواقع وعاوز تستفيد من وقتك على الانترنت وتزود دخلك عندك ظروف ونفسك تشتغل
» انواع الصحاب
» طرق تسريع الانترنت بدون برامج
» يلا يا شباب الدور عليكم تنقوا بدل الفرح